አነስተኛ የይገባኛል ጥያቄዎች ፍርድ ቤት

አንድ ሸማች በሻጩ ላይ የይገባኛል ጥያቄን ክስ በሀሻሎም ፍርድ ቤት በኩል ማቅረብ ይችላል። ሆኖም ግን ይህ ክስ በጠበቃ የታገዘ መሆን አለበት ። ሌሎች ለተጠቃሚዎች የሚዳኙ ፍርድ ቤቶች የአነስተኛ የይገባኛል ጥያቄ ፍርድ ቤትና የተለያዩ የሚያገላግሉ አካላትም ይኖራሉ ።

ከ 1/1/24 ጀምሮ አንድ ሸማች የይገባኛል ጥያቄው መጠን ከ 37,700 ሸቄል የማይበልጥ ከሆነ በይገባኛል ጥያቄ ፍርድ ቤት አቤቱታ ማቅረብ ይችላል ። ይህን ክስ ከማቅረቡ በፊት የአነስተኛ የይገባኛል ጥያቄ ፍርድ ቤት ጽሕፈት ቤቱን ወይም የሸማቾች ድርጅቶችን ማማከር ይመከራል ።

ለአነስተኛ የይገባኛል ጥያቄዎች ፍርድ ቤት የተሰጡት ስልጣኖች

የአነስተኛ የይገባኛል ጥያቄ ፍርድ ቤት ሸማቹ ባቀረበው ብቁ የሆነ ማስረጃ ያለው ከሆነ ፤ ለሻጩ ፤ የተቀበለውን ገንዘብ እንዲመልስ ፤ ምርቱን በሌላ ምርት እንዲተካ ወይም እንዲጠግንና ግብይቱን እንዲሰርዝ ብሎ የመፍረድ መብት አለው ።

ያለ ጠበቃ ውክልና የሚደረግ ፍርድ

በትንሽ የይገባኛል ጥያቄ ፍርድ ቤት ውስጥ ያሉ ወገኖች ጠበቆችን እንዲጠቀሙ አይፈቀድላቸውም ፤ ነገር ግን በተለያዩ ልዩ ጉዳዮች ላይ ፍርድ ቤቱ ይህን እንዲያደርጉ ሊፈቅድላቸው ይችላል ።

ክሱ የሚቀርበው የት ነው ?

በተጠቃሚውና በሻጩ መካከል በተደረገው ስምምነት መሰረት ክሱ መቅረብ ያለበት ቦታ ቢመደብም ቅሉ፤ ሸማቹ ክሱን ከዚህ በታች ከተዘረዘሩት ቦታዎች በአንዱ ለአነስተኛ የይገባኛል ጥያቄ ፍርድ ቤት ማቅረብ ይችላል ።

• በተከሳሹ የመኖሪያ ቦታ ወይም የንግድ ቦታ ።
• ሸማቹ የሚከስበት ድርጊት ወይም ስህተት በተፈጸመበት ቦታ ።
• የይገባኛል ጥያቄ ውስጥ - ዋናውን የይገባኛል ጥያቄ ከማቅርብበት ቦታ ።

በኢንተርኔት ላይ በማስታወቂያ ወይም በንግድ ምክንያት የይገባኛል ጥያቄ በሚነሳበት ጊዜ የይገባኛል ጥያቄው የሚቀርበው ችሎቱ የከሳሹ ወይም የተከሳሹ የመኖሪያ ቦታ ወይም የንግድ ቦታ ብቻ ነው ።

የግብር ክፍያ

ለአነስተኛ የይገባኛል ጥያቄ ፍርድ ቤት የይገባኛል ጥያቄ ያቀረበ ሸማች ፤ በሕግ መሰረት የግብር ክፍያ መክፈል አለበት ።

የይገባኛል ክስ ጥያቄ መግለጫ ፤ የክሱ መከላከያ መግለጫና የፍርድ ቤት ሂደቶች

ሸማቹ ባቀረበው የይገባኛል ጥያቄ መግለጫ ውስጥ የእርሱን መግለጫ ዝርዝር ሁኔታዎችና የተከሳሹን ፤ ስም ፤ የመታዎቂያ / የመለያ ቁጥር (የግል የመታወቂያ ቁጥር ወይም የድርጅቱ ቁጥር) ፤ አድራሻና የመገናኛ ዘዴዎች ዝርዝሮችን መግለጽ አለበት ። በንግድ ሥራ ላይ በተመሰረተው ክስ ውስጥ ፤ በብዙ ጉዳዮች ላይ የንግዱን ባለቤትና / ወይም ተወካዩን ፤ እንደ ተከሳሾች አድርጎ ጨምሮ ማቅረብ በጣም ጠቃሚ ነው። የይገባኛል ጥያቄውን በድርጅቱ ባለቤት ወይም በድርጅቱ ተወካይ ላይ ስለማቅረብ ጥርጣሬ ካለ ምክር ለማግኘት ወደ ሸማቾች ማሕበር በመደወል አስተባባሪዎችን ማነጋገር ይችላሉ ።

በደብዳቤው ላይ የይገባኛል ጥያቄ አቅራቢው ሸማች የተፈፀመውን ግብይት መግለጽ ፤ የተፈፀመበትን ቀንና ቦታ መግለጽ ፤ የገንዘብ ጥያቄ ከሆነ የገንዘብ ይገባኛል ጥያቄውን መጠን መግለጽና የተጠየቀውን የማግኘት መብት ያለው ለምን እንደሆነ ማስረዳት አለበት (ካሳ ፤ የምርት መተካት ፤ ግብይቱን መሰረዝ ፤ ወ.ዘ.ተ.) ። ተከሳሹ በፍርድ ሂደቱ ላይ ሊተማመንባቸው የሚፈልጋቸው ሁሉም ሰነዶች በእጁ ውስጥ ካሉ የይገባኛል ጥያቄ መግለጫው ጋር በማያያዝ ለፍርድ ቤቱ መቅረብ አለባቸው ።

የይገባኛል ጥያቄው ከቀረበ በኋላ ተከሳሹ የይገባኛል ጥያቄው ከቀረበበት ቀን ጀምሮ ባሉት 30 ቀናት ውስጥ የመከላከያ መግለጫ እንዲያቀርብና በፍርድ ቤቱ ጽሕፈት ቤት በተቀጠረበት ቀን ወደ ፍርድ ቤት እንዲቀርብ ይታዘዛል ።

ፍርድ ቤቱ የተከራካሪ ወገኖች ማስረጃ የሚቀርብበትን ቅደም ተከተል ይወስናል። ክርክሩን በንቃት በማብራራት የተፈጠረውን አለመግባባት ማጣራት ይጀምራል ።

ፍርድ ቤቱ ከችሎቱ በኋላ የይገባኛል ጥያቄውን ይወስናል ፤ አንዳንድ ጊዜ ለሁለቱም ወገኖች ስምምነት ላይ እንዲደርሱ ሐሳብ ያቀርባል ፤ ይህ ስምምነት የፍርድ ውሳኔ ውጤትነት ይኖረዋል ፤ ፍርድ ቤቱ ፍርዱን በአጭሩ ማስረዳት አለበት ፤ ፍርዱ በሚሰጥበት ጊዜ ሁለቱም ወገኖች በተጠቀሰው የፍርድ ቤት ውሳኔ መሰረት መሥራት አለባቸው ።

ይግባኝ የማቅረብ ፍቃድ

በአነስተኛ የይገባኛል ጥያቄ ፍርድ ቤት፣ ፍርድ ላይ ይግባኝ ለማለት የሚፈልግ ወገን በክልሉ ወረዳ ፍርድ ቤት በመሄድ ማመልከትና ይግባኝ ለማለት የፍቃድ ጥያቄ ማቅረብ ይችላል ። ይህንም ማድረግ የሚችለው የፍርድ ቤቱ ውሳኔ ከተወሰነና የውሳኔው ደብዳቤ ከእጁ ከገባ በ15 ቀናት ውስጥ ነው ።